O’zbekiston iste’molchilar huquqlarini himoya qilish jamiyatlari federatsiyasi Samarqand viloyat hududiy birlashmasi

❌Ularning sifatiga salbiy ta’sir ko'rsatuvchi 6 ta xato:

🍱 Muzlatkichda ko‘p narsalarni saqlash
Oziq-ovqat mahsulotlari uzoq vaqt yaxshi saqlanishi uchun sovuq havo muzlatkich ichida yaxshi aylanishi kerak. Shuning uchun ularni zich joylashtirib bo‘lmaydi. Muzlatkich ichida bo‘sh joyning ko‘proq bo‘lishi mahsulotlarning uzoq vaqt yaxshi saqlanishiga hissa qo‘shadi.

🌤 Haroratning keskin o‘zgarishi
Ko‘pgina tabiiy mahsulotlar uchun barqaror saqlash sharoitlari muhim ahamiyatga ega. Agar sabzavotlar ham bir joydan boshqa joyga ko‘chirilsa, ular tezda chiriy boshlaydi. Tuxumlarga ham haroratning keskin o‘zgarishi salbiy ta’sir ko‘rsatadi. Shuning uchun aksariyat mahsulotlarni havo beqaror bo‘lgan joyda saqlash mumkin emas.

🌞 Quyosh nuri
Aksariyat mahsulotlar quyosh nurini yoqtirmaydi. Misol uchun, ziravorlar ochiq javonga qo‘yiladi, lekin ularni yopiq eshiklar ortida saqlagan yaxshiroq. Saqlanadigan joy gaz yaqinida bo‘lmasligi kerak. Yuqori harorat ham salbiy omil hisoblanadi.

💦 Noto‘g‘ri namlik
O‘ta nam sharoitda saqlash ko‘plab mahsulotlar uchun mos emas. Yorma, un, tuz, shakar, kraxmal, choy nam sharoitda saqlanmaydi. Yuqori namlik sharoitida ular tezda o‘z xususiyatlarini yo‘qotadi va iste’mol qilish uchun yaroqsiz holga keladi.

🚰 Barcha mahsulotlarni yuvish
Ovqat tayyorlashdan oldin sabzavot, ko‘kat va mevalarni yuvish kerak. Ammo ayrim uy bekalari ularni xarid qilgan zahotiyoq yuvishga odatlangan. Tozalikni sevish yaxshi, ammo bunday yondashuv tabiat in’omlarini o‘ldiradi. Lekin tuxumlarni sotib olgandan so‘ng, darhol yuvish kerak. Aks holda, mahsulot yuzasidagi bakteriyalar muzlatkich bo‘ylab tarqaladi.

🫢 Yoqimsiz hidlar
Aksariyat mahsulotlar hidni yaxshi o‘zlashtiradi. Agar baliq yoki boshqa hidli mahsulot choy yoniga qo‘yilsa, ichimlik g‘alati ta’mga ega bo‘ladi. Kir yuvish vositalari kabi hidi o'tkir mahsulotlar ham non, shirinlik va boshqa iste'mol mahsulotlariga yaqin saqlansa, ularning ta'mi buziladi. Shuning uchun bunday mahsulotlarni o'tkir hid manbasidan uzoqroq joyda saqlash maqsadga muvofiqdir.